തിരക്ക്
ജീവിതം തിരക്കേറുമ്പോൾ ബന്ധങ്ങൾ അടർന്നു തുടങ്ങുന്നു
സമയ ചക്രത്തിനു കാലുകൾ തികയാതാവുന്നു
സ്മൃതികൾ വിസ്മൃതിയിൽ ചേക്കേറുന്നു
ചിരിക്കാൻ മറക്കുന്നു
പ്രണയം ബാധ്യതയാവുന്നു
പ്രണയിനി അലോസരവും
കാലുകൾക്ക് നിഴലൽ നഷ്ടപ്പെടുന്നു
സ്വയം നഷ്ടപ്പെടുന്നു
മഴ
എനിക്കു നിന്നെ നഷ്ടമായി
ഞാൻ ഉറങ്ങി കഴിഞ്ഞാണു നീ വന്നത്
അറിഞ്ഞിരുന്നെങ്കിൽ ഉണർന്നിരൂന്നേനെ
നിന്റെ പാട്ടു കേട്ടുറങ്ങാൻ
ഞാൻ എത്ര കൊതിച്ചിരുന്നെന്നോ!
ഇലച്ചാർത്തിലൂടെ നീ പെയ്തിറങ്ങി
പുൽകൊടിയിൽ ഊർന്നി
റങ്ങി
പുതുമണ്ണിൽ അലിഞ്ഞു ചേരുന്ന
നിന്നെ...
നിന്റെ വശ്യ മനോഹാരിത
നിന്റെ മന്ദഹാസം...
കിളികൊഞ്ചലുകൾ...
എല്ലാം ഒരു നൊടിയിട ഞാൻ ഓർത്തുപോയി
പുതുമണ്ണിന്റെ ഗന്ധമാണെന്നെ ഉണർത്തിയത്
എന്തെ നീ എന്നെ വിളിച്ചില്ല
നിനക്കായി പുനർജനിച്ചവൻ ഞാൻ
എന്നെ തനിച്ചാക്കി നീ അകന്നു പോകയോ?
ഈ ജന്മവും കടന്നു പോകയായി
ശിശിരവും വസന്തവും ഗ്രീഷ്മവും കഴിഞ്ഞു
നീ വരുന്നതും കാതിരിക്കും ഞാൻ
നീ വരുവോളം...
ജന്മ ജന്മാന്ദരം നിനക്കായി...